Il-Ħass Mal-Bass
Il-poddata ideali għal min iħobb iħallat il-ħass mal-bass, miġjub lilkom minn Kurt u Sarah.
Episodes
IL-ĦASS MAL-BASSELS 2: Min Hu L-Essħown, Opinjonijiet Impopolari, Trolley Problems
Kurt u Sarah jerġgħu jimmassimizzaw l-islayyaġni konġunta tagħhom f'kamra qalb Brussell sabiex flimkien jiddiskutu assolutament xejn. Allura jerħulha għal fuq Reddit sabiex jagħtu parir dwar okkorrenzi ta' ħaddieħor li ħadd ma talab parir imġiddem dwarhom.Kelliema: Kurt (IG @k.rt) u Sarah (IG @shreksb00b)Logo: Félix (IG @felix.afc)
IL-ĦASS MAL-BASSELS: Ir-Ritorn Trijonfali dirett minn Brussell
Il-Ħass Mal-Bass jerġa’ lura għal episodju speċjali miġjub lilkom minn qalb Brass Eels u l-crack huwa aqwa minn qatt qabel. Kurt u Sarah jaqsmu brudatini li ilhom ibaqbqu għal xi żmien, filwaqt li jirriflettu fuq l-aktar aġġornament riċenti u pertinenti f’ħajjithom.Kelliema: Kurt (IG @k.rt) u Sarah (IG @shreksb00b)Logo: Félix (IG @felix.afc)
S2E18: Dating Apps, Ħbiberiji Diġitali, u Ħiliet Soċjali
Fl-episodju tal-lum nieħdu spunt minn brudatina li rċevejna mill-udjenza u nittrasformawha f’sessjoni taħraq tal-Qaħbarijiet. Kemm hu tal-bruda li tuża dating apps u tiltaqa’ mal-maħbubinu tiegħek online? L-ispazju diġitali qiegħed inaqqar mill-kapaċità tagħna ninteraġixxu wiċċ imb wiċċ?
Kelliema: Kurt (IG @k.rt) u Sarah (IG @shreksb00b)
Logo: Félix (IG @felix.afc)
Mużika ta' ftuħ u għeluq
S2E17: X'Jiġifieri Tkun Taf Tuża Lingwa "Sew"?
'Il fuq minn 40 episodju wara, illum fuq il-ĦMB nerġgħu niddedikaw it-tema ewlenija għas-suġġett inawgurali tal-poddata, jiġifieri l-lingwa Maltija u l-imġiba kultant bażwija tagħna fil-konfront tagħha. U nerġgħu nittantaw xortina b'segment tal-ftuħ miġbud live!
Kelliema: Kurt (IG @k.rt) u Sarah (IG @shreksb00b)
Logo: Félix (IG @felix.afc)
Mużika ta' ftuħ u għeluq: "Breaktime&q
S2E16: Video Games għal Video Gays – u ĦMB Live?
Lana del Rey veru kellha raġun meta ħarġet Video Games, u fl-episodju tal-lum huwa eżatt hekk li niddiskutu – minn logħob li kbirna bih fi tfulitna, għal-logħob li għadu jġegħilna nfaqqgħu ċ-ċenteżmi fil-but fuq Steam. UUUU, brudatina speċjali rrekordjata live quddiem udjenza spettakolari ta' 8 vittmi!
Kelliema: Kurt (IG @k.rt) u Sarah (IG @shreksb00b)
Logo: Félix (IG @felix.afc)
Mużika ta&
S2E15: L-Oġġettifikazzjoni... u Kliem Ieħor Diffiċli
Fl-episodju tal-lum, Kurt u Sarah jitkellmu dwar kif huma stess jitkellmu dwar ħaddieħor, meta d-diskussjoni tieħu dawra kemxejn pikkanti. Kif inkunu rispettużi meta ngħidu li xi ħadd mazza jew tal-gdim, u xi jħoll u jorbot jekk diskors huwiex rispettuż jew le?
Kelliema: Kurt (IG @k.rt) u Sarah (IG @shreksb00b)
Logo: Félix (IG @felix.afc)
Mużika ta' ftuħ u għeluq: "Breaktime" ta&#
S2E14: Il-Konfessjonijiet Imbarazzanti Tagħna Lkoll
F'dan l-episodju, Kurt u Sarah jaqraw u jiddiskutu l-konfessjonijiet anonimi li bgħattulna u jisfidaw il-limit ta' x'inhu wisq TMI u x'mhuwiex. Jikkwistjonaw ukoll il-volum esaġerat tal-mużika fil-gyms, u għalfejn tant ristoranti jinsistu li jservulek butir mal-ħobż li qisu blokka silġ.
Kelliema: Kurt (IG @k.rt) u Sarah (IG @shreksb00b)
Logo: Félix (IG @felix.afc)
Mużika ta'
S2E13: Xi Jqabbadkom Bruda? (Brudatina Special)
L-episodju tal-lum huwa miġjub minnkom l-udjenza, fejn insiru nafu aħjar xi jqabbadkom bruda u lmenti oħrajn li qed iberrnu f'raskom. Naqraw il-brudatini li bgħattulna, filwaqt li nħawru l-konverżazzjoni bi ftit brudatini tagħna stess.
Kelliema: Kurt (IG @k.rt) u Sarah (IG @shreksb00b)
Logo: Félix (IG @felix.afc)
Mużika ta' ftuħ u għeluq: "Breaktime" ta' Kevin MacLeod (Liċ
S2E12: brat summer
Meta aħna ngħidu BUMPIN, into tgħidu THAT! Minn ilwien t'aħdar jgħajjat għall-aktar żifna popolari ta' bħalissa fuq TikTok, it-365 party girls jeżaminaw il-fenomenu ta' brat summer li ħakem l-isferi tal-media soċjali minn taħt grazzi għal omm il-gays kollha fid-dinja, Charli XCX.
Kelliema: Kurt (IG @k.rt) u Sarah (IG @shreksb00b)
Logo: Félix (IG @felix.afc)
Mużika ta' ftuħ u għ
S2E11: Il-Bokka bl-Avukati u t-Tobba
Fl-episodju tal-lum (suppost) niddiskutu r-rumantiċizzazzjoni nazzjonali tal-kariġi ta' avukat u tabib, diskussjoni li xi ftit jew wisq tiżvolġi fi lmenti li jolqtu l-kura tas-saħħa u servizzi legali. Nistaqsu wkoll għaliex il-prezzijiet online huma tant differenti minn dawk li ssib fil-ħanut proprju, u l-infestazzjoni massakrabbli tan-nemel.
Kelliema: Kurt (IG @k.rt) u Sarah (IG @shreksb00b)
S2E10: Vizzji, Logħob tal-Azzard, u "iGaming"
Fl-għaxarepisodjuversarju tat-tieni staġun, Kurt u Sarah jitfgħu d-damma għal saqajha u jittantaw l-opinjonijiet ta' xulxin fejn tidħol il-kultura tal-logħob tal-azzard li nfirxet madwar Malta. Jissoktaw ukoll il-brudatini mill-udjenza u anki brudatina mingħand Sarah issa li bdiet tieħu nota fiżika ta' kull avveniment f'ħajjitha li jiskomodalha l-istonku.
Kelliema: Kurt (IG @k.rt) u S
S2E9: Nies Fitti Jiddiskutu Fitness u Kif Inħarsu lejn Ġisimna
Fl-episodju tal-lum, Kurt u Sarah iħarrġu l-kordi vokali tagħhom f'diskorsata li tolqot kollox marbut mal-eżerċizzju, mill-attività fiżika nnifisha għall-perċezzjoni li għandna lejn ġisimna bħala vettura miexja ta' laħam. Mhux hekk biss, iżda jinġiebu għall-ewwel darba brudatini esklussivi mingħandkom stess, l-udjenza brudeska tagħna!
Kelliema: Kurt (IG @k.rt) u Sarah (IG @shreksb00b)
Lo
S2E8: Ħmerijiet Medjokri Ssejħilhomx Opri
Fl-episodju tal-lum, Kurt u Sarah jinfexxu f'diskorsata taħraq u kemxejn pikkanti fit-togħma dwar kemm aħna bħala pajjiż lesti naċċettaw il-medjokrità, in-nuqqas ta' rieda li nixprunaw il-kwalità, u l-ġlieda magħna nfusna biex inrendu xi ħaġa ta' sugu. Did-darba b'ŻEWĠ brudatini esklussivi mingħand Kurt!
Kelliema: Kurt (IG @k.rt) u Sarah (IG @shreksb00b)
Logo: Félix (IG @felix.af
S2E7: Il-Kultura Maltija X'Jagħmilha... Maltija?
Fl-episodju tal-lum Kurt u Sarah jiftħu diskussjoni dwar l-isfumaturi li jsawru l-kultura tal-Maltin... li inevitabbilment tiżvolġi f'riflessjonijiet dwar il-lingwa. Jiġu diskussi wkoll series li jgħibu minn fuq Netflix bla avviż jew twissija ta' xejn, u prezzijiet kwistjonabbli tad-deterġenti.
Kelliema: Kurt (IG @k.rt) u Sarah (IG @shreksb00b)
Logo: Félix (IG @felix.afc)
Mużika ta'
S2E6: L-Aċċessibbiltà Fiżika u Lingwistika
Fl-episodju tal-lum, Kurt u Sarah jiddiskutu d-diversi sfumaturi marbutin mal-aċċessibbiltà u kif dan il-kunċett jissarraf (jew ma jissarrafx) Malta, u żewġ brudatini u nofs imnebbħa mill-ħajja riċenti ta' dawn iż-żewġ protagonisti omosesswali.
Kelliema: Kurt (IG @k.rt) u Sarah (IG @shreksb00b)
Logo: Félix (IG @felix.afc)
Mużika ta' ftuħ u għeluq: "Breaktime" ta' Kevin Mac
S2E5: Vot għall-Ħass Huwa Vot għall-Bass
Nhar is-Sibt Malta toħroġ bi ħġarha tixħet il-vot, u allura xi żmien aħjar biex naqbdu parlata fuq l-elezzjonijiet li ġejjin? Kurt u Sarah jirriflettu fuq xi tfisser din l-elezzjoni għal Malta, il-kandidati prospettivi, u l-importanza li nhar is-Sibt ma noqogħdux id-dar insaqqu l-ħass.
Kelliema: Kurt (IG @k.rt) u Sarah (IG @shreksb00b)
Logo: Félix (IG @felix.afc)
Mużika ta' ftuħ u għeluq: &
S2E4: Il-Kakofonija tal-Kunjomijiet... u das-Salad Kif Ġieni €18?
Din il-ġimgħa għoġobna nkomplu nħarbtu t-tessut taż-żmien bl-episodju l-ieħor li SUPPOST kien intiż għall-ewwel staġun, iżda l-istaġun qatt ma fetaħ. Riflessjoni dwar in-natura u l-wirt tal-kunjomijiet, sparpaljati b'interventi dwar salads bi prezz eżorbitanti mill-ajruporti u t-temp orrendi ta' dan l-aħħar xahar.
Kelliema: Kurt (IG @k.rt) u Sarah (IG @shreksb00b)
Logo: Félix (IG @felix.
S2E3: Il-Eurovision HUWA Konkors Politiku?
Il-Eurovision ta' dis-sena kien... interessanti, u l-ġrajjiet kwistjonabbli li saru matulu taw spunt lil Kurt u Sarah biex jidħlu fin-natura ta' xi jsawwar dan il-konkors. Tista' tippromwovi l-paċi u xorta waħda tagħlaq għajnejk mill-implikazzjonijiet politiċi?
Kelliema: Kurt (IG @k.rt) u Sarah (IG @shreksb00b)
Logo: Félix (IG @felix.afc)
Mużika ta' ftuħ u għeluq: "Breaktim
S2E2: Ix-Xjuħija, L-Anzjani, u l-Media Soċjali
Din il-ġimgħa nwasslulkom wieħed mill-episodji mitlufin li suppost ifforma parti mill-ewwel staġun ta' ĦMB – jew it-tieni staġun li suppost sar tliet xhur ilu. Kurt u Sarah jaqbdu konverżazzjoni eżistenzjali dwar ix-xjuħija u l-qrubija tal-mewt, filwaqt li jirriflettu fuq tipi ta' ikel li jqabbadhom ħruq ta' stonku.
Kelliema: Kurt (IG @k.rt) u Sarah (IG @shreksb00b)
Logo: Félix (IG @
S2E1: Ejja Nagħmlu Kiki!
Wara erba' xhur stennija u wegħdiet mhux miżmuma, Il-Ħass Mal-Bass jerġa' lura b'textix iferfer! Biex ivaraw l-istaġun il-ġdid, Kurt u Sarah jingħaqdu flimkien għal naqra catch-up u mustarda dwar x'minnhom mill-bidu tas-sena 'l hawn.
Kelliema: Kurt (IG @k.rt) u Sarah (IG @shreksb00b)
Logo: Félix (IG @felix.afc)
Mużika ta' ftuħ u għeluq: "Breaktime" ta' Kevi
S1E25: Il-Crossover Tiegħi, Tiegħek u Tagħna (ma’ Keith u Craig)
Intemmu l-ewwel staġun ta' Il-Ħass Mal-Bass bil-kbir bl-aktar crossover antiċipat u mistenni bil-ħerqa tas-sena!
Ningħaqdu ma' Keith u Craig minn Tiegħi, Tiegħek, Tagħna f'din l-ewwel parti tal-kollaborazzjoni tagħna biex niddiskutu ftit dwar ir-riżoluzzjonijiet tas-sena l-ġdida u, fuq kollox, nimmassimizzaw l-omosesswalità konġunta bejnietna. Morru agħtu appoġġ, imħabba u titwila lil
S1E24: Kulma Rrid Għall-Milied Huwa Ftit Stabbiltà Mentali
Fl-episodju festiv tal-lum, Kurt u Sararah jitgeżwru bix-xalel u l-iskufji u jferrgħu ċumnata sħuna sħuna biex jiddiskutu dak kollu marbut ma' żmien il-Milied. Jissemmew ukoll il-valuri Nsara vis-à-vis min jgħix bla saqaf fuq rasu, it-tifqigħa bla rażan tal-boutique hotels.
Kelliema: Kurt (IG @k.rt) u Sarah (IG @shreksb00b)
Logo: Félix (IG @felix.afc)
Mużika ta' ftuħ u għeluq: "Br
S1E23: L-Ispinta tal-Lemin Estrem madwar l-Ewropa
Fl-episodju tal-lum nirriflettu fuq suġġett mhux wisq festiv jew festeġġanti, jiġifieri l-mewġa tal-lemin estrem li ilha taħkem ix-xenarju politiku Ewropew dawn l-aħħar snin, fid-dawl ukoll ta' avvenimenti riċenti. B'interventi aktar leġġeri dwar min joqgħod iżid @official fil-handle tal-media soċjali u l-ħinijet tax-shipping minn ħwienet bħal ASOS.
Kelliema: Kurt (IG @k.rt) u Sarah (IG @
S1E22: Spotify Wrapped? Le, Il-Ħass Mal-Bass Imgeżwer
Fl-episodju tal-lum, Kurt u Sarah jħarsu lura lejn il-vjaġġ awditorju tagħhom ta' din is-sena, minqux għal dejjem fl-istorja grazzi għal Spotify Wrapped. Eh, u l-Vengaboys ġejjin s'Għawdex!!
Kelliema: Kurt (IG @k.rt) u Sarah (IG @shreksb00b)
Logo: Félix (IG @felix.afc)
Mużika ta' ftuħ u għeluq: "Breaktime" ta' Kevin MacLeod (Liċenzja Creative Commons Attribution 3.0 Un
S1E21: It-Trawma tat-Teżijiet u t-Te fuq it-Toos
Fl-iqsar episodju ta' Il-Ħass Mal-Bass s'issa (għall-erwieħ), Kurt u Sarah jirriflettu fuq it-terrur akut ikkaġunat mit-teżijiet li qed jiktbu bħalissa, ipinġu diskussjoni ħelwa ħelwa fuq it-tattoos u l-implikazzjonijiet ta' meta titpinġa, u jilmentaw fil-qosor dwar il-Mercury Tower u l-qirda tas-siġar il-Mosta.
Kelliema: Kurt (IG @k.rt) u Sarah (IG @shreksb00b)
Logo: Félix (IG @feli
S1E20: Fehmiet dwar il-Mewt u l-Leġġenda tal-Qallut Fossilizzat (ma’ Erika Ellul)
Fl-20 episodjuversarju ta' Il-Ħass Mal-Bass ningħaqdu mal-mistiedna speċjali ta' din il-ġimgħa, Erika Ellul, biex neskavaw l-eqdem qallut tal-bnedmin fossilizzat u nirriflettu fuq id-diversi perċezzjonijiet tagħna l-Maltin fil-konfront tal-mewt.
Kelliema: Kurt (IG @k.rt), Sarah (IG @shreksb00b) u Erika (IG @nessejtni)
Logo: Félix (IG @felix.afc)
Mużika ta' ftuħ u għeluq: "Break
S1E19: Maltin Barra Minn Malta, The CRACKISODE™ (ma’ Yandrick Agius)
F'dan l-episodju mimli daqs bajda bil-crack ningħaqdu mal-mistieden ekstraspeċjali tagħna Yandrick Agius: semmiegħ akkanit tal-podcast u Baby Doll extraordinaire fil-Moulin Rouge. Nagħmlu naqra catch-up (u mayonnaise) bejnietna u nirriflettu mhux biss fuq l-14-il brudatina li ħejjielna Yandrick, iżda wkoll naqsmu perspettivi u perċezzjonijiet bħala Maltin li għexu fit-tul lil hinn mill-pajjiż.
S1E18: It-Teatru Sabiħ.... It-Trabi Ma Tantx
Fl-episodju tal-lum nittawlu minn wara l-kwinti u nimirħu fuq taħdita dwar it-teatru u nolqtu xi perspettivi differenti marbutin mad-dinja tal-ispettaklu. B'interventi spettakolari daqstant dwar meta nużaw il-lirika fil-captions ta' Instagram, u għaliex aħna bħala soċjetà mġegħlin naħsbu li t-trabi tat-twelid huma ħlejqiet ħelwin.
Kelliema: Kurt (IG @k.rt) u Sarah (IG @shreksb00b)
Logo:
S1E17: Tefgħa Lura għas-6th Form, Hotline Bling u Puppy Filters
Fl-episodju tal-lum, Kurt u Sarah jerġgħu lura fiż-żmien biex jirriflettu fuq iż-żmien li qattgħu l-postsekondarja, miżgħud b'esperjenzi ammirabbli daqskemm kienu kwistjonabbli. U la qed insemmu imbarazz kwistjonabbli, isiru wkoll dibattitu dwar il-validità tal-mayonnaise u lment rigward l-arja kundizzjonata ġewwa Spazju Kreattiv.
Kelliema: Kurt (IG @k.rt) u Sarah (IG @shreksb00b)
Logo: Fél
S1E16: Buns Out, Halloweener (But I Gotta Keep an Eye out for Bankiner)
Fl-episodju tal-waħx (litteralment u figurattivament) tal-lum, Kurt u Sarah jagħtu prietka ta' esperjenzi marbutin ma' lejlet Jum il-Qaddisin kollha. Jiġu diskussi wkoll il-bżonn li navżaw 'l-għassa bil-miġja ta' Ed Sheeran u l-istat massakrabbli tal-bankini fil-pajjiż.
Kelliema: Kurt (IG @k.rt) u Sarah (IG @shreksb00b)
Logo: Félix (IG @felix.afc)
Mużika ta' ftuħ u għeluq: &
S1E15: Il-Midlife Crisis ta’ Kurt u Sarah Miġbuda fuq Mikrofonu
F'dan l-isfreġju ta' episodju għandkom il-privileġġ esklussiv li tesperjenzaw il-kriżi estienzjali tal-poddata sseħħ quddiem għajnejkom, fejn Kurt u Sarah jiddiskutu xelta vasta ta' suġġetti mill-ewwel bewsa ta' Kurt maqsuma bejn 10 persuni, għall-McKroket li nbiegħet esklussivament fil-McDonald's tal-Olanda.
Kelliema: Kurt (IG @k.rt) u Sarah (IG @shreksb00b)
Logo: Félix (IG
S1E14: Għaddielna Pride... Issa x’Hemm xi Tgħid?
Fl-episodju tal-lum nagħtu tmiem għal ġimgħa sħiħa ta' briju u kwiriżmu b'ħarsa lura lejn l-esperjenza personali tagħna matul Europride, u nikkwistjonaw il-ħtieġa li r-ristoranti u l-barijiet ta' ċertu pritensjoni borgiża jsejħu lilhom infushom "gastropubs".
Kelliema: Kurt (IG @k.rt) u Sarah (IG @shreksb00b)
Logo: Félix (IG @felix.afc)
Mużika ta' ftuħ u għeluq: "B
S1E13: Gayyaġni™ Pt 2 — Il-Pertinenza ta’ Pride u EuroPride
Nilqgħukom għat-tieni segment tal-edizzjoni speċjali u aktar omosesswali mis-soltu ta' Il-Ħass Mal-Bass, fejn niftħu diskussjoni dwar il-EuroPride u għaliex il-kunċett ta' Pride għadu pertinenti u bżonjuż illum il-ġurnata, u nagħlqu bil-bruda li qabdet lil Kurt minħabba ċerti membri fl-udjenza waqt il-kunċert ta' André Rieu.
Kelliema: Kurt (IG @k.rt) u Sarah (IG @shreksb00b)
Logo: Fé
S1E12: Gayyaġni™ Pt 1 — L-Esperjenza Queer Tagħna f’Malta
Episodju ħdax ta' Il-Ħass Mal-Bass huwa l-ewwel parti minn tnejn bi tħejjija għal EuroPride, li din is-sena huwa ospitat minn Malta. Fl-episodju tal-lum nirriflettu fuq l-esperjenza personali tagħna f'Malta bħala membri tal-komunità queer u nidħlu wkoll fil-kuntrasti bejn il-qafas legali u d-drittijiet ċivili versus l-attitudni mifruxa tas-soċjetà.
Kelliema: Kurt (IG @k.rt) u Sarah (IG @s
S1E11: Avventura ta’ Brudatini u Intelliġenza Artifiċjali (ma’ Wilbert Tabone)
Għal episodju ħdax ta' Il-Ħass Mal-Bass nitilqu bassina tinten mal-ieħor sinifikanti ta' Kurt, Wilbert Tabone, fejn intuh lok jiżvoga dwar xelta vasta ta' brudatini filwaqt li jispjegalna ftit dwar l-Intelliġenza Artifiċjali, il-qasam li jispeċjalizza fih.
Kelliema: Kurt (IG @k.rt), Sarah (IG @shreksb00b) u Wilbert (IG @wiltabone)
Logo: Félix (IG @felix.afc)
Mużika ta' ftuħ u g
S1E10: MaltaPost, Matematika, u M’Oppenheimer (ma’ Karl Bartolo)
Il-Ħass Mal-Bass jagħlaq 10 episodji! F'din l-edizzjoni ningħaqdu mal-extra special guest judge Karl Bartolo, fejn nirriflettu fuq il-party li għadda ta' Nerve, in-nervi li jqabbadna l-MaltaPost meta jibqa' magħluq mingħajr avviż, nesploraw id-dinja tal-matematika, u naqsmu ħsibijietna fuq Oppenheimer.
Kelliema: Kurt (IG @k.rt), Sarah (IG @shreksb00b) u Karl (IG @understandably_karl)
S1E9: Prodotti tax-Xagħar, l-Italjofilja, u Buttuni Falluti
F'episodju disgħa ta' Il-Ħass Mal-Bass nilmentaw dwar meta tfittex prodott u tinduna li s-supermarket m'għadux iġibu, il-fissazzjoni tagħna bit-Taljan u l-impatt storiku mifrux ta' din il-lingwa, u meta tagħfas il-buttuna fuq tal-linja biex tinżel u x-xufier ma jiqaflekx.
Kelliema: Kurt (IG @k.rt) u Sarah (IG @shreksb00b)
Logo: Félix (IG @felix.afc)
Mużika ta' ftuħ u għeluq
S1E8: Cheeselet vs Ġbejna, X vs Twitter, u Għażliet Kwistjonabbli Oħra
F'episode tmienja ta' Il-Ħass Mal-Bass nilmentaw dwar il-fissazzjoni li naqilbu kollox bl-Ingliż, il-paprati li qed isiru fuq FKA Twitter, u nies li assolutament m'għandhomx idea x'inhuma jagħmlu.
Kelliema: Kurt (IG @k.rt) u Sarah (IG @shreksb00b)
Logo: Félix (IG @felix.afc)
Mużika ta' ftuħ u għeluq: "Breaktime" ta' Kevin MacLeod (Liċenzja Creative Commons Attr
S1E7: Tlaqna fl-Ispazju u fuq Elf Tangent Oħra
F'din l-edizzjoni kaotika ta' Il-Ħass Mal-Bass neżaminaw it-telf fil-kwalità taċ-chicken wings m'għand iċ-Chick-King, nimirħu fl-univers u ninterrogaw l-aljeni, niffrustraw ruħna bil-plakek Maltin u nanalizzaw il-legat ta' Sinéad o'Connor... fost ĦAFNA oħrajn.
Kelliema: Kurt (IG @k.rt) u Sarah (IG @shreksb00b)
Logo: Félix (IG @felix.afc)
Mużika ta' ftuħ u għeluq: "B
S1E6: Hi Barbie, l-Apatija Politika, u l-BMWs (ma’ Lisa Baldacchino)
Fis-sitt iterazzjoni ta' Il-Ħass Mal-Bass nilqgħu l-ewwel mistiedna tagħna Lisa Baldacchino, u flimkien niddiskutu l-ħakma ta' Barbie fuq id-dinja, l-apatija palpabbli fix-xenarju politiku lokali, u demografija ta' sewwieqa li xi ftit jew wisq ma jistħoqqilhomx il-liċenzja.
Kelliema: Kurt (IG @k.rt) u Sarah (IG @shreksb00b)
Logo: Félix (IG @felix.afc)
Mużika ta' ftuħ u għeluq: &
S1E5: Kaxxiera Inkorlati, il-Kwistjoni Kattolika, u l-Knisja ta’ Beyoncé
Fil-ħames episodju ta' Il-Ħass Mal-Bass niftħu fuq l-atteġġjamenti bejn il-kaxxiera u l-klijenti, l-atteġġjament tagħna stess fil-konfront tar-reliġjon Kattolika, u l-qima li nuru lejn ċerti ċelebritajiet tant li jistgħu jitqiesu reliġjonijiet ġodda.
Kelliema: Kurt (IG @k.rt) u Sarah (IG @shreksb00b)
Logo: Félix (IG @felix.afc)
Mużika ta' ftuħ u għeluq: "Breaktime" ta' Kev
S1E4: Il-Fenomenu tal-Festi u l-Għawm fil-Baħar vs fil-Pools
Fir-raba' episodju ta' Il-Ħass Mal-Bass nesploraw it-tradizzjoni Maltija per eċċellenza tal-festi — li jgħaqqduna flimkien jew ikomplu jifirduna — u naqbdu diskorsata taħraq dwar l-esperjenza tal-għawm fil-baħar vis-à-vis fil-pixxini.
Kelliema: Kurt (IG @k.rt) u Sarah (IG @shreksb00b)
Logo: Félix (IG @felix.afc)
Mużika ta' ftuħ u għeluq: "Breaktime" ta' Kevin MacLeod (
S1E3: Reklami Eċċessivi, it-TV, u Sufiet Sparpaljati
Fit-tielet episodju ta' Il-Ħass Mal-Bass nesploraw l-esaġerazzjoni ta' reklami fil-media lokali, il-kontenut li nikkonsmaw fuq l-istazzjoni nazzjonali, u r-rabta mhux mistennija bejn il-brija u l-latrini pubbliċi.
Kelliema: Kurt (IG @k.rt) u Sarah (IG @shreksb00b)
Logo: Félix (IG @felix.afc)
Mużika ta' ftuħ u għeluq: "Breaktime" ta' Kevin MacLeod (Liċenzja Creative Com
S1E2: Kif Iltqajna, it-Trasport Pubbliku, u l-Istickers ta’ “Jesus Saves”
Fit-tieni episodju ta' Il-Ħass Mal-Bass, Kurt u Sarah jiddiskutu kif id-destin laqqagħhom flimkien, l-istat tas-servizz tat-trasport pubbliku, u l-misteru dejjem jikber wara l-istickers ta' "Jesus Saves" mifruxin madwar Malta.
Kelliema: Kurt (IG @k.rt) u Sarah (IG @shreksb00b)
Logo: Félix (IG @felix.afc)
Mużika ta' ftuħ u għeluq: "Breaktime" ta' Kevin MacLeod
S1E1: L-Għeluq ta’ Subway, l-Ilsien Malti, u l-Ismijiet tad-Djar
Fl-episodju premier ta' Il-Ħass Mal-Bass, Kurt u Sarah jiddiskutu l-għeluq ta' Subway f'Malta, is-sitwazzjoni attwali tal-Malti u l-kultura ta' bilingwiżmu, u x-xejra affaxxinantissima li nagħtu ismijiet lid-djar tagħna bħallikieku trabi li wellidna.
Kelliema: Kurt (IG @k.rt) u Sarah (IG @shreksb00b)
Logo: Félix (IG @felix.afc)
Mużika ta' ftuħ u għeluq: "Breaktime"
